أبي أطير،

 

رمى سؤاله بـ عفويته المعتادة…
:” ماما، يصير أطير مثل بيتر بان ؟ “
سكت لـ برهة، ثم أجبته :” أي ماما يصير..! ”
قفز فرحاً… :” صج… شلووون..؟ “
وعلى الفور قلت..:” اكتب…، “
فرد كمن خاب أمله فجأة..:” أنا ما اعرف أكتب ! “
:” لما تكبر.. حاول تكتب، الكتابة اهي الجناح اللي راح يخليك تطير وتروح للمكان اللي تبيه “ لم يفهم شيء مما قلته – باسل – ابني ذو الخمسة أعوام، صمت وعلامات التعجب ترتسم على محياه، فأردف :” ماما انتي كله تطيرين اخذيني معاج مرة والله مراح أأذيج…” ابتسمت.. وأنا أحتضن قلبه الصغير.