قربك مثل بعدك , ألم ..

بـ لملم أشواقي وأنام ...
مثل أمس
مثل العام
وبتم أحس إنك بعيد ... وأتم أحس إني وحيد ... وإن الوصل أوهام ... !
عين وتشوفك , غمضت ...
عين على جتّفك ... وأنا بـ حضنك ... أسولف لك ... ولاتفهم , بجّت ... !
....................... عبره , ومخنوقه بـ كلام
بـ لملم أشواقي رغم قربك , وأنام ...


عودْتني لما تجي ... ' يعني تغيب ' ... !
وآنا أنطرك / وانته معاي ...
ياللي حضورك بالغياب
................ أكبر عذاب
يا لابس ثياب الغياب
قربك مثل بعدك , ألم .... !!
وآنا في كل ليله ألّم ... اللي بقى من لهفتي
وكل شي جمعته في غيبتك
كل شي نثرته في غيبتك
كل شي نطرته بـ غيبتك
كل شي حلمته بـ غيبتك
وكل شي تمنيته معاك .... وانته ذبحته بـ غيبتك ... !


لو بالأماكن نجتمع ... صدقني إحنا مو سوى
واحد يحب , وينجرح ...
والثاني عنه مادرى ... !
واقع يقربنا لـ بعض ... لكن يباعدنا الهوى ...

لو بالأماكن نجتمع
هذا الحضن بارد ...
وهذا الغطا .... مابه دفى .... تحته جسد هامد ..... !!
مامرّته غيمة وله , وبـ شوقها سالت ...
ما أمطرت
ما بللت
بس غرقت , خدي ...
الى متى تمسح ..
ومنديلك المسكين ... حس فيك , مو عندي ... !

لو مهما عورّت الكلام ... !
مثل أمس
مثل العام
بـ لملم أشواقي .... رغم قربك , وأنام ...
ا

انا والشوق في الغرام ضحايا ... !
سرق البعد عمرنا والغياب

سكن الليل *